إيه هو الفرق بين "التوين هاوس" و "التاون هاوس"؟

١ نوفمبر ٢٠٢١ - Nazli Kassem

التشابه فى الأسماء بين "التوين هاوس" و"التاون هاوس" ممكن يسبب لخبطة بس إنكم تعرفوا الفروقات إللي بين الأتنين ممكن يوفر عليكم وقت ومجهود وساعات كمان ممكن يوفر عليكم فلوس. علشان كده إحنا قررنا نكتب مقالة كاملة علشان نبعد عنكم أي لخبطة تانية بين المكانين.

:الفروقات الأساسية بين نوعين البيوت واضحة فى الجدول

التوين هاوس

التاون هاوس

شمس اكتر

شمس أقل

جار واحد

أكتر من جار

حدائق أكبر

حدائق أصغر

"التوين هاوس" هو بكل بساطة بيتان على مساحة أرض واحدة وكل اللي بيفصل مابينهم حيطة وسور خشبي. البيتان عندهم حديقتهم الخاصة, وغالباُ بيكون فيه مدخل جانبي للحديقة. "التاون هاوس" بيبقي عبارة عن مجموعة بيوت على نفس مساحة الأرض, احياناً عدد البيوت بيوصل ل6! غالباً بيكون حديقة خلفية واحدة من غير مدخل جانبي.

علشان الفروقات اللي ذكرناها "التوين هاوس" و"التاون هاوس" أسعارهم دايماً بتبقى مختلفة. "التوين هاوس" سعره بيبقى أعلى من "التاون هاوس". الأستثناء فى أسعار "التاون هاوس" بيبقي فى "الكورنر تاون هاوس" واللي سعره دايماً بيكون أكتر من "التاون هاوس" العادي. ده بسبب أن "الكورنر تاون هاوس" هو أقرب حاجة للتوين هاوس."الكورتر تاون هاوس" هو أسرع مكان بيتباع مع أطلاق أي مشروع جديد وده علشان أنه  بيتشابه فى المميزات مع "التوين هاوس" ومع ذلك سعره بيكون أرخص منه.

بعد ما أثبتنا النظرية بتاعتنا, تقدروا تتفرجوا من خلال موقعنا على مجموعة متنوعة من البيوت سواء  "توين هاوس" ولا "تاون هاوس" وتختاروا من بينهم ايه هو البيت المناسب ليكم.

اختاروا "التوين هاوس" المناسب ليكم من على "ساكنين":

"توين هاوس" ب4 أوض نوم فى "بالم هيلز جولف فيوز"، مدينة 6 أكتوبر. منظر مباشر على ملاعب الجولف الواسعة وكمان مش مفروش علشان تفرشوه على حسب ذوقكم الشخصى. "التوين هاوس" ده جاهز للإيجار الآن.

"توين هاوس" ب4 أوض نوم فى"ميفيدا"، القاهرة الجديدة. مساحة أرض المحيطة واصلة ل 110 متر مربع وده بيأكد كلامنا عن مساحة الحدائق الواسعة. مش هتلاقوا مكان افضل ولا أوسع من كده علشان تقضوا فيه وقتكم مع عيلتكم و ممكن كمان تستعرضوا مهارتكم فى الشوي و تعملوا فيه حفلات "باربيكيو" فى الويك أند.

اختاروا "التاون هاوس" المناسب ليكم من على "ساكنين":

"تاون هاوس"  نصف مفروش ب3 أوض نوم فى "أو وست"، مدينة 6 أكتوبر. مساحة 190.5 متر مربع وبيبعد 10 دقايق عن "الشيخ زايد" و مسافة 2 كيلو عن "مول مصر". المكان ده بيمتاز عن غيره من الأماكن أنه مرتفع عن الأرض المحيطة بيه. مع مقدم 2,500,500 جنيه مصري, ممكن تبدأوا حياتكم هناك.

اختاروا "التاون هاوس" المناسب ليكم من على "ساكنين":"تاون هاوس"  نصف مفروش ب3 أوض نوم فى "راير"، مدينة المستقبل. مساحة أرض 169 متر مربع ممكن تدفعوا مقدم 155,000 جنيه مصري و قسط شهري 27,300 على مدار 9 سنين وتعتبروا ان "التاون هاوس" ده بتاعكم

اختاروا "التوين هاوس" او "التاون هاوس" المناسب ليكم من على "ساكنين".

شارك عبر