مقارنة بين مدينة الرحاب ومدينتي

٢٩ نوفمبر ٢٠٢١ - Nazli Kassem

إحنا في "ساكنين" ملتزمين أننا نقدم ليكم كل المعلومات اللازمة علشان تاخدوا قرارات أحسن لما تيجوا تشتروا أي عقار.إحنا شايفين ان أفضل استثمار عقاري ممكن تعملوه هو الاستثمار اللي بيلبي حاجاتكم أنتم وعائلاتكم, علشان كده إحنا كفريق دايماً بنفكر في طرق متنوعة علشان نساعدكم تاخدوا القرار الصح. في المقالة ديه هنعمل لكم مقارنة بين مدينة الرحاب ومدينتي.

مدينة الرحاب ومدينتي بيعتبروا من المشاريع الرائدة في سوق العقارات المصري، ده يرجع لعدة عوامل أهمها أن المدينتان دول من أوائل المدن العمرانية اللي ينشئها القطاع الخاص المصري بشكل كامل. المدينتان بتميزوا بالمساحة الواسعة و إنهم بيضموا مساحات خضراء عملاقة، الأتنين من ضمن مشاريع مجموعة طلعت مصطفى العقارية المصرية.

البيوت في مدينة الرحاب

مدينة الرحاب ليها ميزة تاريخية وهي أنها أول مدينة سكنية في تاريخ مصر الحديث يتم بنائها وإدارتها كلياً من قبل شركة خاصة مش منتمية للحكومة المصرية. العمل على بناء مدينة الرحاب بدأ في سنة 1997 وماوقفش لحد النهاردة، المدينة في وقتنا الراهن بيتم العمل على أربع مراحل جديدة منها. مدينة الرحاب موقعها على طريق السويس على بعد 15 دقيقة من مدينة نصر ومصر الجديدة، مساحتها 220 فدان وبتساع اكتر من 200 ألف نسمة.

بيوت  للبيع و الإيجار في مدينة الرحاب

اصحوا الصبح علي منظر منعش وجميل واستمتعوا برؤية واحدة من أكبر الحدائق المفتوحة في المدينة من شباك بيتكم مع شقة ب3 أوض نوم مساحة 182 متر مربع تشطيب كامل في مدينة الرحاب المرحلة الثانية, القاهرة الجديدة. امتلكوا الشقة دلوقتي واستلموها فوراً بسعر 2,850,000 جنيه مصري

متوفر كمان توين هاوس ب3 أوض نوم مساحة 220 متر مربع تشطيب كامل في مدينة الرحاب المرحلة الثانية، القاهرة الجديدة. المكان بيه حديقة خاصة مناسبة للاستجمام والتجمعات العائلية، التسليم فوري بسعر 5,100,000 جنيه مصري. في أمكانية في التفاوض في السعر غي حالة الجدية في الشراء.

لو كنتم بتدوروا على خيار الإيجار ولسه بتبدأوا حياتكم فمتوفر شقة ب2 أوض نوم مساحة 89 متر مربع في أمتداد الرحاب، القاهرة الجديدة. الإيجار الشهري 17 ألف جنيه مصري وأقل مدة إيجار هي سنة واحدة.

البيوت في مدينتي

مدينتي بتعتبر واحدة من أهم المدن السكنية الحديثة في مصر، وممكن تكون أهم ميزة فيها هي مساحتها الشاسعة اللي بتوصل ل8000 فدان، و أن المساحة جزء كبير منها مسطحات خضراء وبحيرات صناعية. موقع مدينتي مميز وده لأنها موجودة في شرق القاهرة على بعد 20 دقيقة من مصر الجديدة ومدينة نصر، الوصول ليها سهل من الطريق الدائري اللي بيربطها بمناطق كتيرة زي المعادي والمقطم. مدينتي بتعتبر مدينة متكاملة مليئة بالخدمات وبتساع أكتر من 600 ألف نسمة.

بيوت  للبيع و الإيجار في مدينتي

لو بتدوروا على شقة ليها فيو على مساحة خضراء فمتوفر شقة ب3 أوض نوم مساحة 200 مترمربع تشطيب كامل في مدينتي. الشقة ليها دابل فيو على "وايد جاردن" و "بريفادو" و مطلوب فيها  3,000,000 جنيه مصري.

لو بتفضلوا تسكنوا في فيلا عملاقة متوفر فيها حديقة خاصة فمعروض فيلا ب4 أوض نوم تشطيب كامل في مدينتي. مساحة الوحدة 460 متر مربع، مساحة الأرض اللي بتشمل الحديقة 730 متر مربع. المكان بيه حمام سباحة خاص ومكيف بالكامل. السعر المطلوب هو 15,000,000 جنيه مصري.

بالنسبة للإيجار فمتوفر شقة ب4 أوض نوم مساحة 298 متر مربع في مدينتي. محبو الأماكن الخضراء هيستمتعوا بالشقة ديه خصوصاً وده لأن الشقة متصل بيها حديقة مساحتها 60 متر مربع وليها فيو على أكبر وايد جاردن. الإيجار الشهري 15 ألف جنيه وأقل مدة للإيحار هي سنة واحدة.

تقدروا تأجروا أو تشتروا بيوت وكمان تقدموا على تمويل عقاري دلوقتي من على موقعنا.

شارك عبر