جولف فيوز وجولف أكستينشن، بالم هيلز

٧ ديسمبر ٢٠٢١ - Nazli Kassem

إحنا في "ساكنين" ملتزمين أننا نقدم ليكم كل المعلومات اللازمة علشان تاخدوا قرارات أحسن لما تيجوا تشتروا أي عقار.إحنا شايفين إن أفضل استثمار عقاري ممكن تعملوه هو الاستثمار اللي بيلبي حاجاتكم أنتم وعائلاتكم, علشان كده إحنا كفريق دايماً بنفكر في طرق متنوعة علشان نساعدكم تاخدوا القرار الصح. في المقالة ديه هنعمل لكم مقارنة بين كومبوندات جولف فيوز و جولف أكستنشن في مدينة 6 أكتوبر.

جولف فيوز وجولف أكستينشن هما أتنين من أهم وأكبر مشاريع لشركة بالم هيلز للتطوير العقاري وإللي بتعتبر واحدة من رواد شركات التطوير العقاري في مصر كلها. الشركة تم تأسيسها سنة 2005 ومن التاريخ ده مشاريعهم ماوقفتش. مشاريع بالم هيلز موجودة في أنحاء الجمهورية وبيغطوا أكتر من 27 مليون متر مربع في مصر. جولف فيوز وجولف أكستنشن متواجدين في مدينة 6 أكتوبر والأتنين بيوفروا مجتمع عمراني راقي ومتكامل للساكنين. أنواع الوحدات مختلفة بين فيلات وتوين هاوسز وتاون هاوسز. غير أكيد المساحات الخضراء الواسعة اللي بتعتبر علامة مميزة للمشروعين.

البيوت في جولف فيوز

السكن في جولف فيوز تجربة فريدة لأن جولف فيوز متصمم بطريقة بتدمج طراز البناء العصري مع الطبيعة. موقع جولف فيوز في واحد من أكبر المجتمعات السكنية وهو بالم هيلز 6 أكتوبر. جولف فيوز ممتد على مساحة 500 فدان ومتوفر فيه 642 وحدة سكنية على مستوى عمراني عالي. وزي ماهو واضح من الأسم كل البيوت بتطل على ساحات الجولف الخضراء والشاسعة.

اعرفوا أكتر عن البيوت المعروضة للبيع أو الإيجار في جولف فيوز من على موقعنا

لو بتدورا على فيلا مساحتها واسعة ومتصل بيها حديقة كبيرة مناسبة للأستجمام وأقامة المناسبات العائلية المختلفة فممكن تمتلكوا فيلا ب5 أوض نوم في جولف فيوز. مساحة الوحدة هي 538.5 متر مربع أما مساحة الأرض 924.5 متر مربع. ممكن تشطبوا الفيلا وتفرشوها على ذوقكم لأنها نصف تشطيب. ادفعوا سعرها بالقسط على 8 سنين بمقدم 15% من سعرها 33,207,445 جنيه مصري. المقدم هيكون 4,981,117 جنيه مصري والقسط الشهري 294,100 جنيه مصري.

بالنسبة لخيار الإيجار فمتوفر توين هاوس ب4 أوض نوم مساحة 540 مترمربع تشطيب كامل في جولف فيوز، مدينة 6 أكتوبر. المكان بيتكون من 4 أدوار ومتوفر بيه أوضتين للعاملين. الإيجار الشهري 70,000 جنيه مصري وأقل مدة إيجار هي سنة واحدة.

البيوت في جولف أكستينشن

جولف أكستينشن هو أمتداد لجولف فيوز. موقع جولف أكستنشين مميز في قلب بالم هيلز أكتوبر وفيه نفس مميزات جولف فيوز من مسحات خضراء شاسعة وبحيرات صناعية وتنوع الوحدات بين فيلات و توين هاوسز وتاون هاوسز متنفذين على أحدث طراز معماري. مساحة جولف اكستنشين هي 310 فدان ومتوفر فيه 966 وحدة سكنية. الساكنين في جولف أكستينشن متاح ليهم أستخدام مرافق بالم هيلز أكتوبر المختلفة زي بالم هيلز كلوب وبالم هيلز أكاديمي وساحات الجولف.

اعرفوا أكتر عن البيوت المعروضة للبيع أو الإيجار في جولف اكستنشين من على موقعنا

أمتلكوا مسكن دلوقتي في جولف أكستينشن وأختاروا من تشكلية متنوعة لبيوت فاخرة على سبيل المثال متوفر توين هاوس ب4 أوض نوم في بالم هيلز جولف أكستينشن، مدينة 6 أكتوبر. المكان نصف تشطيب ومساحة الوحدة 245 مترمربع ومساحة الأرض الكلية 427 مترمربع. االأستلام فوري والدفع كاش بسعر 6,200,000 جنيه مصري.

للي حابين أنهم يأجروا جولف أكستينشن ويستفيد من كل المميزات اللي بيقدمها المكان فمتوفر تاون هاوس ب4 أوض نوم في بالم هيلز جولف أكستينشن، مدينة 6 أكتوبر. مساحة الوحدة 275 متر مربع ومتصلة بحديقة مساحتها 100 متر مربع. الإيجار الشهري 30,000 جنيه مصري وأقل مدة للإيجار هي سنة واحدة.

تقدروا تأجروا أو تشتروا بيوت وكمان تقدموا على تمويل عقاري دلوقتي من على موقعنا.

شارك عبر