مقارنة بين نيو جيزة وبيراميدز هايتس

٧ ديسمبر ٢٠٢١ - Nazli Kassem

إحنا في "ساكنين" ملتزمين أننا نقدم ليكم كل المعلومات اللازمة علشان تاخدوا قرارات أحسن لما تيجوا تشتروا أي عقار. أفضل استثمار عقاري ممكن تعملوه هو الاستثمار اللي بيلبي حاجاتكم أنتوا وعائلاتكم, علشان كده إحنا كفريق دايماً بنفكر في طرق متنوعة علشان نساعدكم تاخدوا القرار الصح. في المقالة ديه هنعمل لكم مقارنة بين كومبوندات نيو جيزة و بيراميدز هايتس في مدينة 6 أكتوبر.

نيوجيزة وبيراميدز هايتس مشروعات في منطقة 6 أكتوبر. الأتنين بيتميزوا بالموقع الأستراتيجي على طريق القاهرة أسكندرية الصحرواي القريب من أهرمات الجيزة، الوصول ليهم سهل و المسحات الخضراء بكثافة بالمكانين. الوحدات متنفذة على طراز معماري عصري حدي و مختلفة في أنواعها و المساحات الخاصة بيها.

البيوت في نيوجيزة

نيوجيزة متواجدة في الكليو 22 على طريق مصر أسكندرية الصحرواي، طريق 6 أكتوبر الرئيسي بيوفر مدخل مباشر للكومبوند. المكان متصل بالقاهرة الكبرى كلها لأنه على بعد 2 كيلو فقط من المحور وعلى بعد 6 كيلو من الطريق الدائري. الموقع مش بس أستراتيجي لكن حيوي كمان لأنه على بعد 6 كيلو من المتحف المصري الكبير.

في نيوجيزة في أهتمام كبير بالبيئة وده واضح في المساحة الضخمة المفتوحة للخضرة في الكمبوند واللي بتوصل ل87% منه. الكمبوند بيوفر مستوى عالي من الرفاهية والراحة للساكنين فيه وده لأنه متوفر بيه عدد كبير من أماكن الخروجات والمطاعم في الكومينتي سنتر "بريك لاين"، كل ده غير نادي الجولف ونادي نيو جيزة الرياضي. في أهتمام كبير.  موجود أيضًا واحدة من أفضل الجامعات الخاصة في مصر وهي "جامعة "نيوجيزة" و مدرسة "الألسن.

البيوت المعروضة للبيع أو الإيجار في نيوجيزة من على موقعنا

لو حابين تبدأوا حياتكم في مكان بيوفر ليكم الهدوء والراحة فمتوفر شقة ب3 أوض نوم مساحة 223 متر مربع تشطيب كامل في نيوجيزة، مدينة 6 أكتوبر. الشقة في موقع مميز في "كارنيل بارك" وجاهزة للأستلام بسعر 5 مليون جنيه مصري.

نيوجيزة كومبوند بيوفر فيلات مساحتها كبيرة ومتصل بيها حدائق خاصة واسعة. متوفر فيلا ب4 أوض نوم نصف تشطيب في نيوجبزة، مدينة 6 أكتوبر. مساحة الأرض شاملة الحديقة هي 685 متر مربع أما مساحة الوحدة 452 متر مربع. التسليم في 2022 وسعر البيع كاش 17 مليون جنيه مصري.

بالنسبة لأختيار الإيجار فمتوفر دوبلكس ب3 أوض نوم بحديقة في نيوجيزة، مدينة 6 أكتوبر. مساحة الأرض الكلية شاملة الحديقة 400 متر مربع أما مساحة الوحدة 250 متر مربع. الإيجار الشهري 35 ألف جنيه مصري.

البيوت في بيراميدز هايتس

موقع بيراميدز هايتس في مكان ممتاز في الكيلو 19 على طريق مصر أسكندرية الصحرواي وبيبعد دقائق معدودة عن الكتير من الأماكن المهمة. بيراميدز هايتس على بعد دقيقة واحدة من الطريق الدائري و 5 دقايق عن المحور وميدان الرماية و15 دقيقة عن ميدان لبنان. الوحدات هنا متصممة على الطراز الأوروبي الحديث وعلى أجدد معايير اليناء.

الوحدات في بيراميدز هايتس متنوعة بين شقق وفيلات وتوين هاوسز وتاون هاوسز بمساحات مختلفة وكلهم بيطلوا على مساحات خضراء متسعة.الشوارع كمان واسعة لتفادي أي نوع من أنواع الزحام ولاعطاء خصوصية لكل الساكنين.

البيوت المعروضة للبيع في بيراميدز هايتس من على موقعنا

للبيع متوفر شقة ب3 أوض نوم مساحة 245 متر مربع تشطيب كامل في بيراميدز هايتس، مدينة 6 أكتوبر. الشقة متصلة بحديقة خاصة بمساحة 160 متر مربع وكمان أوضة للعاملين بالبيت. السعر المطلوب هو 4,800,000 جنيه مصري.

تقدروا تأجروا أو تشتروا بيوت وكمان تقدموا على تمويل عقاري دلوقتي من على موقعنا.

شارك عبر